Taykinna, boodifi (2023) tillaabeh, cusub iggidi (2024) bileh yane. “Iggidi yedee, iggidi yemeete” neh simbilishna lellec walaa anniye wayo kibah laakin, inkoh max-yeenim abna ciyyo, ni bar (cumri) gantah raacekkah adde yumudhdhuweh geytima alsitti cawda (Calendar) kinamhi sabbatah, cusub iggida xusekkah xabneh xabno mirhicna.
Abno missilam laakin, tillaabe iggidadde abne ciyyo soomaamaanam kee yaamiite iggidah cusub ciyyo yaxiggiriinim kinni. Bukaako ninni nabseelih cusub xagara kee cusub kunturaat sayno ni uguugusa caashir kinamhi sabbatah, guri gabadde nabbarho nolle mitane.
Cusub iggida, wuli garba kitaab aqhrii ninemko, cusub garba faknem balih beyno missila. Cusub garba fakna gedda lel, cusub xaaja, cusub masxassa kee cusub xikma kinni akko geynam. Amaye balih lel cusub waqhaaqhac kee cusub andafof yakkeedo ni yaseedefe.
Waqhti tadiye baabur balih kinni. Tadiye baabur ishi nifille xiyaw korishak kee oobishak nifille tadiye. Yadiye waqhteelih adiinnixe mari hido fanadde akko ooba mari lel, niya ciddem, hido inkinnah rabtem kinon. Amaa baaburudde anik dhintam, abayshimat macrafa gufan hanik, gabat orba hinam yakkin bgedda, baaburlih inti abbirhekkah sinni ciyyo katattayishsham lel gabat orbaalih orobtam kinon.
Amaydo, nifidde nok tanem mangum kinnik, tillaabe waqhtedde ni yeseedefe andafof kee waqhaaqhac aaginah naftixem kee erherhishne ciyyo tinniyemko, akah gomnaakah, erherhishnem aalle waynemko lel cusub ciyyo erherhishneh, abayshima guddusno, ninni nabseelih miimar abnoo.
Sin sacal,
Axmadsacad Maxammad
Maa shaa Allah koba nakkoo koba tika! Mangum basak-ta ciyo ninneh sinad boode waynamko taahe mudda kinni, umbuka ni gide kinni hanik ta ciyyo unqac inkoh lem akke wayne kiyah fada geyna ged dhicnam masuumunna….
Ni eseemexa! Yalli sina gaab noh ishoo 🌹🌹🌹🌹🌹🌹🌹🌹🌹🌹
Maa shaa Allah 😍😍