Assalaamu Caleykum Waraxmatullaahi Wabarakaatuhu, xishma-le sacul kee sacoola, kaafa lel ta kataa missila kee kaa macnaalih sinah emeeteh aniyok yoolih arxiba:-
9. “MARIN BAARHOL AWUR SAGAT DHAW LE” yarhxin.
Ta missili mangum xiyawadde dhama missila yekkeh, adda fidin macna leya. Inneh ak akkalekkeeko lel Kaa macnaako dagum wees sinah isho kiyok, ractem yoh matarishshoona kitin:-
Awur sacayto kinni hanik marin dik yedeemko sagat dhaw baaha. Taye akah takkem lel marin baarholle hido ishi maraako akuula yanem yaarhigeh mashshitayaako, aba ammasaasal kinni. Xiyawti barhi lel amaye balih ishi dikko beexinille gerhentaatiino, mashshi kee xoola inkoh kaa geytah, kii yine tiyahi maddaxit darajalle ooba.
Akah taarhigiiniikah, farhem tekkemih garinam umman gedda garinam kinni. Atu farhe tiya tik, ku dik hido ku baarho akkinnixeh, ku xiyaw alle anniinnixelle, agiro kito hanik dargah tammingide, maarhaga kito hanik sorheenah tammingide, dhiiceena kito hanik lel taaneenah tammingideh amo cunuunussah marta.
Wuli ginah lel wanna ak akkinnixitomudde wannah timmingidemko, farhem carha taymaacemih, wanna balih mitakke. Irooko wannah timmingidemih lel addaako hido asliiko takko mirhictamhi sabbatah, tamaa xiyaw irooko tablem rummaahit koyya makinam yaybulluwe missila yakkeedo kinni.
Taye kee sin nagaa!
Macalsit:- Osa yakko memco, cadale yakko asuuso, inkoh sinah tambulluwem, mablot caradde temegiinih noh fartoona dhictan. Amaa ginah lel inkoh sittiyaako barinno dhicna.
Gaab yoh isho!
Kab-ishshem: CUMARDIIN MAXAMMAD
Gaab noh isho
Mashallah gaab noh isho
Abtan juhdeh mangum sin ashkure
Gaab noh isho
Abtan juhteh mangum sinah ashkure
Gaab noh isho ku mushaaraka dhuguugul noh takko nol mabaahasin nolmacaadin tunkutubem xiyaah sugtak ku katataa nanek aydukum nolle
Mashallah gaab noh isho
Mashallah yalli ku yaxfazo ustaz cumardiin abta xawal kee juhded cadha mecito 👍👍👍👍