Aaginah marno linom, aye farhnam, amaa fanrhnem: “Geyna mageyna” yarhxe esseror yadabboona isrii-tam kee waqhte fadhdham kinon.
Yi migac Sabriin kinni. Inni barmeleelih mece sacoolinno kee kabkabnan liik ine. Farhe waqhte inki caynah sarsarit, inki caynah waani, inki caynah gerhgerh kixin barmale kii nine. Amah towwa lel ku farhshishsham mangum kinni. Walaa ku qadreeko aganal kinni hanih, ku barmaleyti abamko racto mangum siriyah, anu yoolih hel-ay yinin yimixzitko rukuttiyäh tinem dikti ulako yoyya kii yine.
Usun saritan sara kee kabella ten idhdha assamaaco taanah yodde assabbii yine. Laakin wuli gadaako ummanim akah fadhdhaakah mageytam, inki geyto, inki dhic, amaye mayanniyem axeesebik ine.
Amaye kinni hanih, cur yod ayik raja cidaanam erherhishe. Liik ine mango asal kee forxat sikko kee xisaabal, liik ine lacna dhamxal tinqiyyireh rummah raja cide. Macnah yi xangalad tinem: “Inni doobah ammangado yol tane” arhxik inemhi sabbatah usun geyaanam waye ged kinni ta ginah raja cidem. Amayeko lakalle inneh mangum careeko yawciinim xabeh cared asam erherhishe.
Lel liik ine lacna xabeh yi yuble wuli noyyah dhayel yine gombi, Saalix ak yaniyya awwal mece nagayta dooba balih busa kaa aarhigeyya yine. Amayeko afadde, “Nagaa” yaanam, sittad matarna ged busa kinni kii ninem.
Sarraako inki max saadifih sitta geyne ged, “Sabriin nagaa! Aaginah maxte” yeh nagayta abnemko lakalle: “Nagaa makoho basoohit sabrin makito? Kaamana aye, waqhaaqhac litoho tayidhdha daguu waqhted tinqiyyirem, ii? Aki xaal bahte” yeh umaatih anem kee wulim geyeh anem yoh warishe.
“Anu inni nabsed inni gondo aarhigek, walaa arax yadiyi yi yaarhigem kinniho ekkeh anem?” erhxeh: Maale inki waqhaqhac maliyo” akke. “Laakin aaginah yi yeerhege?” erhxeh bexsiitak, “Aye? Toobbem litoho?” erhxeh kaa essere.
Saalix: “Aabbemko aganal ablem liyo” yeh yi nifko yiqhriyem yoh warishe. Amah neh axeesebekkah mangum haasawak asneh, “Sarrah sitta geynok, geyaa tanem yok towwa kito” yok yeh, lellec abinneh barhsimne.
Inni careh gaxeh, caratak carhah gaxeh: “Sik-yeh tah yok ayi miyane, rummah mece sacal yekke ged kiyah” erhxeh “Geyam ak owwa? Yoo … Maale…” arhxik inni nabse essere. “Akkemih aye yoh abo? Taye ummanti geyam yakko kiyah yoyya busa maki” erhxeh awwal axaasabo eedaa tinem, usuk: “Aye ku xato? yok ye ged exeesebe.
Ayyamko lakal sitta geyneh, anu inni geyto akah warishekkah waani yoh erherhisheh: “Kaafa ed nane waqhti (casri), sirii tiya kinni, fertoh cindhamasok farhe ged ninneh ninni addad linom kee ninni sorhah akuulal kulux-nowwa meeda. “Wuliti ulim abe, wuliti wulim geye” narhxeh amaa marad kulux-arhxii ninni nabra, ninni xaalat nasqiyyire.
Amaa ged amaa ginah akkekkah farheti, masalan: “‘Taajir/gaddaale kinni ummanim gabad lem’ nemko, amaa gabad le gadda akkekkah, amaa gadda akah geye arax kinni nablo eeddam” yeh waani makisheh, yi geyto akah warishekkah isheh yoh warishe. “Rumma kinni” erhxeh sik-neh waanishekkah wuliidhdha sugne.
Saalix: “Ibal wuli max akah kokkeekah inneh dhiicam yekkemko ku xatok, aye kinni ku waqhaaqhac” yeh yi essere. Anu yi waqhaaqhac inkoh akah warishe, laakin tayidhdha akah yoh yamxeesebem aarhago marhiicinniyo.
Amah neh waanishaa ninemko, amaa ayyamadde barmaleeko tiyä marcishimaa tineyaako, amayhi sabbatah waanishneh, amaa marca kab-teh tanem akah warishe. “Ibal anu koolih ulah koolih waanishe wayemih sittah dhayel nanemhi sabbatah, ku gondo meceetih aarhige. Anu lel koyya balih cindhamasoyta kiyo. Kaafa koyya aseedefii tanem, kumal anu ak tillaabem kinni. Beera lel akim ku tasaadafo dhicta. Raja cide waynemko laakin inkoh tillaabe le” yeh yi mobayil isheelih yok yibbirheh yinemko: “Hin haye ishi mobaayil” yeh yoh yoxoye.
Care maade ged, anu ablekkah amaa mobayilti jilded soldiiko xato takkem ed hayeh yoh suge. Mangum xedene, macnah yi barmaleytä marcishimaa tinemhi sabbatah amaa max inki caynah sara sarinno kee aki yi farhshishsham akah waggiishito yi dhictam kii yine. Rummah mangum xedene. Fawo kee xatooko yoh abem mangum yol tenebe, wuli gadaako aaginah akah afdiyem lel xisaab yol tekke.
Macnah: “Hayyinih yaxayin muttuxuwa matane” yaanam amod yok gaxangaaxaa tine. Waqhteelih kaa xato kee fayi ammangik yemmenge. “Aaginah koh afdawo? Atu yoh abta xato kee fawo koh afdaw dhiicam makkale, Laakin, walaa dagum ku xateh ableedo?” ak ayik ine.
Rummah mece sacal geye. Anu: “ Yallaako geyoo kiyah akah afdawo marhiica. Xiyaad yi yesgelle. Inkoh awwal yok anqusii tinem inkoh yoh timliye. Xiyaw ni dik erherhad ak anih awlaako geyak anem, Saalixlih aye nangalem, yaarhagoona essero erherhishen. Anu Saalixlih inkim waanishem maliyo.
Ta ged fanah inki max amaa ginalemih sabbatah hasawneh manaarhige. Yi barmale yakko yi dik: “Sik-yeh ku xataa mayane, ulim kooko farham yelleedo kinni” yok yan. Anu xiyaw farhem temih yi esserinnanimih inkim ak suumute marhaarhiyo. Gadah amaa xiyaw akah yaaniikah: “Ku marcishito farha” yok yaado, afko amaa essero abaasekkah radde akah adabbe dhaarhe. Macnah ta ged fanah kaalih able xiyaawinna kee mece ciyyo ablemih sabbatah.
Laakin ta ged fanah inkim yol xuseh mayane. Illaa anu yoh abem aynabih yi yable ged: “Nagaa, wuli ged atu yi xatta maaxi yamaato kinni” yok ya. “Maarhige inshallah yamatoo, anda akah afdiyem maarhigek.
Amaa ged xishma le ta dalta taqhriyemik yi fayishshoona sinak ilaalak, sinni mablo yoh uxuwanta. In shaa Allah, sin fawo kee sin mablooko uguteh wulim yoh caddoyto ilaala.
Sin sacla Sabrin,
Sancafeeko
Macalsit:
(Film: Xeewino)
Ta farto Sabriin idhdhadde yekkeh ni gudduuse xishmale Maxammad Cusman ninne kee sinhi migacalle mangum kaa cawwatoyshinna. Maxammad Cusman tamaa ‘XEEWINO‘ yarhxe Film, Cindhamaso G12 YouTube araxalle obteh taneya yuktube tiya kinni. Tattabishsheenih lel umbuka tena aydukumussoona mango xishmaalih sin duhsusna.
——————————//—————————
Sinni fawo www.makaado.com kalolle fartoona fadhdheenimko: Email. Makaado.info@gmail.com araxah fartoona dhictan. Hido lel akkanih ta kutuubhi gerille mablolti caralle sinni fawo akah xabtoona dhictan.
Gaab noh isho!
——————————//—————————
As wr wb
Okomeh Nagake Maxiyod Tanawo Koh Atiminiye Kataseh ta ku fartol gaxnaged awalah atu geytem mango nisacul giyanam kini cindhaned yininimko carsimak sin zobalih asuli, xedenna, digira, angaci, inkoh tanem tenbalih tenlih tilasa tinemko kukas anabinanim hidhale kini ta kucarih nabra Koh tamfihimem Amma tafhime lelec lel ishidobako adractam tableged kodtasabe lel tanqiyire dhamaxta taginalem umantiyal tasedefem kini yako kiyah odoniyal li marati miyane wa marati lel miyane amaged umman amaye tilaseh sugeh . giya tanem yedhegih udhudh waqtih fanad litine xisabko kuyeyece salixih shukre akah ab . Shukre busa akeka lel atu usuk Koh abem kayah abto akekah aki cindham Amma kugeyto geytaya xatimto lel naba farto kini kol yoxoyeh yanem !!!.
kayah dhictemko kaxatimto ku wajib kini la Annu ku yisiriteh yanne. Tantemko tanteged kini kuxateh yanem shukre akah abtam kee kulakal tanem xato ahde Koh abeh yannek ahde matlamin.
( No free lunch) yanam tanne lakin ammaye ishi mecneh abbe marra tableh yolmigida )
kaxanitiya yekemko kaxani desso malemih sabatah kuyikxinemko Isheh kolamato kinik mafitin . Atu usuk yakxinetiya takkem kufadhshisha usuk Le xiyawina akah tekah amaginale tiya takem kufadhshisha. Atu Isheh ka tik xinneh tanemih egiditok waqte dhawudheh ka asser kaxani xola maleki inshallah inkid takona . lakin Koh abemih ka akxini taniyek selit !!!!.
Shukre
Tazanta Noh tuktube sabrin nisaclah Noh bahhe nisacal Mf mahamed Osman. kab noh ishe makadoh lel gaab Noh isho taginalem ni luqah xatto kinamhi sabatah umantiyak SITA alxatno Kataseh amanatisha sinsacal Ibrahim omer
Sabbu nisacla” saytiyah nabrah ishi waaxelta addad hayshitteh ummanim saalixil attarri taneh kiyah atu isheh agantah kaa qixintom abli nane.
Kaado waani edtanem kooke saalix fanad yane cindhaa tufulta maqasaha walla laamah nagaraco yantiya kinni.
Taged anu aye ku fayisha takkale yinah sabrin,
Saalixlih aki haasawad tanin saaca taged gar-,hiteh yane taged’
Kaa nif ko inti ascidhiyekkah dik yi marcishoona fadha yanin akkedhex.
Rummah ku qixinah ku marcishiito fadhah yakkemko kaa nif kol dirabbito maki.
Xankabitem tableged” Aye yi qixintoho ? Tadhxe essero kab ellish ?
Ta essroh radde aqxinekkah koh yadabbo kinni.
Atu kaa esserto xoolayshiita tinniyemko
Tama araxah usuk akah ku esseraakah akkabit.
Sabbu nisacla” saytiyah nabrah ishi waaxelta addad hayshitteh ummanim saalixil attarri taneh kiyah atu isheh agantah kaa qixintom abli nane.
Kaado waani edtanem kooke saalix fanad yane cindhaa tufulta maqasaha walla laamah nagaraco yantiya kinni.
Taged anu aye ku fayisha takkale yinah sabrin,
Saalixlih aki haasawad tanin saaca taged gar-,hiteh yane taged’
Kaa nif ko inti ascidhiyekkah dik yi marcishoona fadha yanin akkedhex.
Rummah ku qixinah ku marcishiito fadhah yakkemko kaa nif kol dirabbito maki.
Xankabitem tableged” Aye yi qixintoho ? Tadhxe essero kab ellish ?
Ta essroh radde aqxinekkah koh yadabbo kinni.
Atu kaa esserto xoolayshiita tinniyemko
Tama araxah usuk akah ku esseraakah akkabit.
Mece dalta kinni sabrin geyto maclsiiteh xate saalix micim abe ama kaxato tubleged sabrin ama xiyaw akta waninlih tiydhibisheh saalix tikxine tiyah iggida saalix lel cadoso wayeya kiyah yitakxise maaxi yanirke xoxolayshiteya kiyah te yikxneh yane sabrinih le fawuh naxayem micim koh abetiyah akah abe kee akah warishe kinnik saalix kugondo yedhegeged saculinati xatoh abe xatoh abem yakkek sacuulinati kaxanoh ka ikxin kaxani kaxanoh tikxinemko ishe biyaktak endeg saalix kaxanod cikishiteh abe faw kee abe xato yekkemko le hido hidoh afko ku ikxine ya waanitto afko aktawco kinni ikxne kokemih gantih waqhti kaxano kinam kee niirohi kaxano kinam macalso kufadhshisho kinni kaxani mango caynahi kaxanih yanem sabbatah koh abe yane xato kee faw akmibiyayshitin kaxano kee marcalele maafitin koka
Amay kee sinaga
“Yisbire tiyah lay taarure” yaanam tane kiyah tashshem takko kinnik alle isbir.
Xishmale katattaynit: Talle Sabriin fawoh ni gufe mablol sinah oobishaa nanek, atin sinni gabooko, sinni fawo ak misuumutina.
1. Erherhih isheh geyte geyto xoola hinam nok temih mangum ku ashkure. Amayko lakalle lel ta koyyad matare gombi rummah: “Ta saacad mageytiman” ak yan maraako tiya kinni. “Yalli cumre kee caafiyat akah yaxawo, amaa ginale mari lel nod yammangoo” arhxe. Abayshimol kokka tiyä walaa usuk sik kok yemih, farhem abteh kab adde erhex” kok arhxe.
—————————-//————————–
2. Sabriin mece saalix yislixeyya kod matareh yane. “Inneh yokkoli amaa ginali yod mataraado” arhxek, kab adde the, kaa farhi kinam irhig. Gomboleeko amaa ginale mece mari ulim koh abeenih, ulim ku messeran. “Ayeh?” temko macnah: “Walaa yi akxine waytemih cida tafdaw ayik farhinnexemid sayoona kinni” yaanah xiyak miyan, walaa ku farhak aseenimih, amaa ginalem yaseedefe mari yanin. Gaab yoh ishoo.
—————————-//————————–
3. Yi mablo hayyin kin hiyyaab mayane, daggowo yammango, ulim ku esserekkah maraacam irhig.
—————————-//————————–
4. Rummah mece gombo kinni. “Gombolek inkoh kaako naqhrawo eedda” arhxe.
Katasehk, atin aarhige waytanamah xiyaw sin xamitta ged sinneh gantih haasawtoona sinal yane. Macnah sittak xoolayshiitak sitta biyaktaanak.
—————————-//————————–
5. Yi mablo tamaa gombi gabah koh abe xatooko aganal fawoh koh abem ta dalta iqhriyemko lakalle erhegeh ane. Amaa ged macnah koh abe xato rummah lillaoko abem yekkemko, kooko inkim miilaala. Jaza Rabbiiko kinni. Amaa ged, isheh dhictam akah ab. Tantamah mamxaasabin. Macalsit: tama “Tafdiye maaxi yane” yam kinni akkale ged koyya asxeesebi tanem. Amaye laakin ummanti yam kinni” kokka. Gaab yoh isho!
—————————-//————————–
6. Anu kokkam macnah: “Geyto kee wayto Yallaako kinam teerhegeh, kumalko kaafi, kaafaako beeri yayshe” teh tablo kolle yanemkah, “Yi barmale geytem waye” temko, “Teyya bolko raddemko raddoo” yaanam kinni. Amaa gombi jaza Yallako geyoo. Dhictam kaa xat, anu kokkam ishi farhih yekkeh maarhige, amaa xatooko xoolayshitteh farhe waytamad masayin. Kaa kixintom kee marca kok yaado xine marhaarhitom noh warishsheh tine. In shaa Allah Yalli sittah sinak yemko lel inkid takkoona dhictan. Sin farhi sinah yammaroo.
—————————-//————————–
7. “Erherhih, kod tossoobbem, geyte geyto ishi saculuh warrishittemih koh ashkure. Amayko lakal mece sacal geyteh tane, umman ni sacla amaa ginale sacal geytoo. In shaa Allah dhaye waqhted ta akah tamxeesebemih radde geyto koh attiminiye. Laakin ummana ku gabad kinni tanem” kok arhxe. Gaab yoh ishoo.
—————————-//————————–
8. Maafitin, ku essero kinnik lito xaal masqayyarin. Koh abeh yanem “Yoh abtemoo!” teh el maymangin. Kab ed teh eelih haasaw. Aye farham irhig. Beetaanah sik-yaanam curtak.
—————————-//————————–
9. KKKK usuk yithirrifeh yanek atu ithirrifee. Marca kab-teh tanek.
—————————-//————————–
10. kkkk sittak toona tanteenih kinnik kaa nibro yoh uxuu. Anu ak koh owwa kiyok. Abshir! Inneh koh ayshamano kiyo.
—————————-//————————–
11. Ta gombi mece tiya kinam naabbek, atu kayyah takke tiya kito hido ku ilaaceh sik kok ayi yanniyemko nagaa?
—————————-//————————–
12. Tamaa gombi saaxibtö lem kee malem esser akuulako. Sarrah malem teerhegemko isheh kaa esser. Ayidhdhole ged ,ni esseran ged fanah sik nowwak kkkk